Mon Dieu siouplaît,
Fais viv’ à nous plus longtemps
Même si nout’ sablier
L’a fine réglé depis longtemps.
Mon Dieu attend’ un peu,
Cries pas nous koméla
Nous n’a encore z’affaires po fait
Dis out’ messager retiens son bras.
Refrain :
Mais même si nous connais
Tout’ ou l’a fine calculé
Nous veut maginer
Que des fois y arrive
Ou laisse inn’ deux... Chaper !
La vie ou l’a prête à nous là,
Quand ou sar red’mande ça
Inn’ ces quat’ sans dis à nous,
Ou va reprend’ ça qu’ l’est à ou.
Quoça nous s’ra en train d’ fait ?
Avec qui nous sar po causer ?
Quelle musique nous s’ra po écouter ?
Est-ce que nous va oir ou arriver ?
Refrain : ............
L’est vrai nout’ fait plutôt la prière
Surtout quand nous galère
Quand tout’ l’est bon dans nout’ vie
Nous connais même pas qui y faut dit merci
Nous l’est fout’ même pas sûrs
Quand nous cause avec ou
Nout’ parole l’est assez mûre
Po en s’rait-ce ‘ni à bout frôle à ou
Refrain : ............
Mais pareil nout’ parole y rebombe,
Nout’ pensée y tourne côté la tombe,
Pris dans in tourbillon trop fort
In genre d’ trou noir : Direct la mort !
N’a point inn’ l’est meilleur qu’ l’aut’
Non n’a point inn’ c’est le meilleur z’apot’
Toute façon même avec zéro faute
Faudra chacun y paye la note
Refrain : ............
Paroles et musique: Bernard Joron
